Agus an tAcadamh Scileanna Cibearshlándála á chomhlánú, cothóidh na hacadaimh nua i dTeicneolaíochtaí Candamacha, Intleacht Shaorga agus Domhain Fhíorúla cur chuige níos comhordaithe maidir le hoideachas agus oiliúint scileanna digiteacha san Aontas.
Is céim thábhachtach iad na hacadaimh scileanna digiteacha chun ceannaireacht an Aontais a áirithiú i dteicneolaíochtaí digiteacha agus i dteicneolaíochtaí atá ag teacht chun cinn. Is spreagadh ríthábhachtach don nuálaíocht agus don táirgiúlacht é infheistíocht a dhéanamh in ardscileanna digiteacha, agus tá an tionscnamh ag freagairt don éileamh ar chomhar agus ailíniú níos fearr le riachtanais an mhargaidh.
Feidhmeoidh gach acadamh mar bhunchloch ina réimse, bearnaí scileanna a shainaithint, cláir úrscothacha oideachais agus oiliúna a fhorbairt, tionscnaimh rathúla a mhéadú agus éiceachórais láidre a chruthú. Agus leas á bhaint as comhpháirtíochtaí straitéiseacha leis an saol acadúil, le soláthraithe oiliúna, le hearnáil na tionsclaíochta agus le hinstitiúidí poiblí, feidhmeoidh na hacadaimh mar chatalaígh chumhachtacha chun gairmeacha digiteacha a chur chun cinn, go háirithe i measc na mban, agus chun filleadh thallann na hEorpa ón gcoigríoch a dhreasú.
Maoineofar na hacadaimh nua faoin gClár Oibre don Eoraip Dhigiteach 2025-2027 a glacadh le déanaí. Foilsíodh an glao agus beidh sé ar oscailt le haghaidh aighneachtaí an 15 Aibreán 2025. Molaimid do na páirtithe leasmhara uile clárú don Lá Eolais a bheidh ar siúl an 16 Bealtaine 2025 chun tuilleadh eolais a fháil faoin gcaoi le páirt a ghlacadh sa tionscnamh seo.
Léigh tuilleadh faoi:
Related content
Event | 16 Bea 2025
Tá an tArdán um Scileanna Digiteacha agus Poist Dhigiteacha ag óstáil Lá Eolais ar líne atá tiomnaithe don Chlár DIGITAL Europe — Gairm ar Acadaimh Scileanna Digiteacha.